Səyahət etmək istəyənlərə kiçik tövsiyyələr

   Səyahət etmək istəyirsiniz amma içinizdə olan kompleksləri ata bilmirsiz, xarici ölkəyə səfər etmək hələ də sizə nağıl kimi gəlir və ya düşünürsünüz ki, xarici ölkəyə getmək sizə çox baha başa gələ bilər?

   Səhayət etmək mənim həyatımın ən əhəmiyyətli hissəsidir, əsasən tək səyahət edirəm çünki vaxt azlığı problemim olur və daha çox gəzmək daha çox yer görmək istəyirəm, qrup və ya başqa kimləsə ilə gedəndə qısa vaxt ərzində hər şeyi çatdıra bilmirsən. Hər kəsin fərqli düşüncəsi və kaprizləri olur, vaxt ayırıb getdiyin yerdə onu çəkmək məcburiyyətindən xilas olursan tək səyahətlə.

   Məlum məsələ, Qafqazlıyıq, əhatimiz qalın mentalitet qatı ilə örtülü və ağır sovet dönəmində tərbiyyə almış formalaşmış valideyinlər əhatəsindəyik, hətta bura milləti söhbətini də əlavə edək, bizim millət öz övladına çox düşgündür, övlad onun gələcək zəmanəətidir, övlad onun yatırım etdiyi bir investisayıdır, onu elə öz başına buraxmaq hər valideyinin işi deyil. Əgər sən qadınsansa bu məsələdə daha da dərindir bu haqqda yazmaq istəmirəm. Bu səbəblərdən dolayı səyahətlərimə ölkə daxilindən başladım və ilk öncə vətənimi kəşf etdim, bundanda çox məmnunam, gələcəkdə gedib görəcəyiniz yerlərdə də bu cür gözəlliklərlə qarşılaşacaqsız. Ölkə daxili səyahət belə sizə çox şey verəcək.

   Əgər siz tamamilə pulsuz səyahət etmək istəyirsinizsə onda sizə kiçik programlar təklif edim. İlk öncə sizə bir veb- səhifə deyim http://www.edu-active.com/ burada istədiyiniz formada təhsil,kamp, treninq programları, konfranslar var, əgər sizin orta səviyyədə ingilis dili bacarığınız varsa bura baş vurun sizə uyğun olan program və ölkə seçin. Bu programlar sizə çox kömək edəcək, yeni dostlar qazanacaqsız, təhsil ala biləcəksiniz, həmdə bir ölkə görmüş olacaqsız, adətən belə programlarda vaxtınız olur ki, çıxıb şəhəri gəzə biləsiniz, mən adətən deyilən gündən bir gün əvvəl ya da program sonrası bir gün gec gəlirdim, onlar bütün xərcləri qarşılayır.

   İkinci bir səhifə mənim ən çox istifadə etdiyim səhifə http://csogeorgia.org/ elə hesab etməyin ki, bu səhifələrdə boşuna yüklənir vakansiya və başqa aktiviklər, mən şəxsən yararlanmışam. Burada əsasən təhsillə bağlı programlar olur və ya konfranslar, treninqlər, sadəcə ölkə daxili deyil. Bundan əlavə siz özünüzdə internetdə axtarsanız qarşınıza çoxlu sayda saytalar çıxacaq səyahətlə bağlı.

   https://www.couchsurfing.com/ bu səhifə sizə gedib kiminsə yanında pulsuz qalmaq imkanı yaradır və ya sizə maraqlıdırsa ölkənizə gələn turistləri evinizdə yerləşdirə bilərsiz və öz təcrübələrinizi, mədəniyyətlərinizi paylaşa bilərsiz. Sadəcə bura daxil olun qeydiyyatdan keçin və sonrasını artıq özünüz görəcəksiniz.

   Bildiyimiz kimi artıq biz Avropaya vizasiz gedə bilirik. Bunun üçün sizə xarici pasport, qayıdış təyyarə bileti, sığorta (qalacağınız günə bağlıdır, hər gün üçün 1 GEL), orada qalacağınız yerin ünvanı (əgər hostel, oteldə qalırsınızsa reserv print edib göstərirsiniz əgər kiminsə yanında qalırsınızsa həmin adam sizə evinin ünvanı yazılan sənəd göndərir), getdiyiniz ölkədə qalacağınız hər gün üçün 50 evro pulunuz da olmalıdır. Amma ən son Macarıstana gedəndə sərhəddə məndən yalnız pasport tələb etdilər başqa heç bir sənəd istəmədilər.

   Kutaisidən Avropaya ucuz uçuşlar var.  https://wizzair.com/ka-ge/main-page#/. Əgər siz istədiyiniz ölkəyə ucuz uçuş yoxdursa narahat olmayın, hansı ölkəyə ucuz uçuş varsa ora bilet alın və səyahətinizə ordan başlayın, istədiyiniz ölkəyə keçmək üçün isə avtobusla ucuz gedə bilərsiz (aşağıda). Pegasus da çox ucuz uçuş biletləri təklif edir amma bəzən olur ki, pegasusun özündə bilet baha olur, pegasusun biletini başqa kompaniyadan ucuzda ala bilərsiz. Mən Brusseldən Tbilisi Aeroportuna bilet alanda başqa kompaniyadan pegasusun biletini 30 evro daha ucuza aldım.

   Əgər qalacaq yer axtarırsınızsa hostelworld.com –a baş vurun orada 15 laridən başlayan hostellər var. Booking.com da baxa bilərsiz amma nəzərə alın ki, 15% xidmət haqqı alır, eyni hosteli 15% artıq ödəyib booking.com dan almaga gərək yoxdur. Nəzərə alın ki, nə qədər tez alsanız o qədər ucuz olur.      Hosteldə siz başqa səyahətçilərlə tanış olacaqsız, biri birinizlə təcrübələrinizi bölüşə bilərsiz, çıxıb şəhəri bərabər gəzə bilərsiz siz onları onlar sizi öz ölkəsinə dəvət edə bilər və.s. Əgər siz narahat olursunuzsa, yalnız qadınlar və ya kişilər olan otaqlar seçə bilərsiz əvvəlcədən reserv zamanı.

   Turistlərin əksəriyyəti özü ilə çadır götürür və hostel və otele artıq pul xərcləmirlər. Bir çox adamları da parklarda, metroda,  gecələdiyini görmək olur tamamilə təhlükəsizdir.

   Avropada bir ölkədən başqasına keçmək çox asandır.  Goeuro.com –a daxil olursuz, ölkə daxili və başqa ölkəyə avtobus, qatar və təyyarə ilə necə nə vaxt səfər edə biləcəyinizi orda müəyyənləşdirə bilərsiz. Əgər pulsuz səfər etmək istəyirsinizsə onda gedəcəyiniz  yerin adını bir kağıza yazıb yol kənarında gözləyib yardım sevər insanları gözləməlisiz. Avtostop variantı seçə bilərsiz.

   Avropanın bir çox ölkələrində muzeylərə giriş bizə görə bahadır ona görə də hər muzeye girməyə ehtiyyac yoxdur, getmədən əvvəl bir də internet üzərindən bir iki araşdırma edin, bəzən olur ki, açıq muzey günləri olur və pulsuz daxil ola bilərsiniz, məsəlçün Romada Kolizeyuma 6ci günləri daxil olmaq pulsuzdur, başqa günlərdə isə 30 evrodan başlayan billətlər almalısan. Avstriyada Mozartın doğum günündə onun ev muzeyində və başqa sarayda pulsuz programa daxil ola bilərsiniz. Əgər həmin günlərə təsadüf etmirsinizsə hər bilet almalı olduğunuz yerdə tələbə olduğunuzu söyləyin ( tələbə biletinizi göstərin) və sizə endirim edəcəklər. Avstriyada olanda 52 Evro qiymetində olan klassik musiqi gecəsinə bileti cəmi 25 evroya almışdım, orada 10,20,30 %li endirimlər var və siz özünüzü elə göstərin ki, o qədər də həvəsli deyilsiniz guya bilet almağa o da yavaş yavaş sizə ucuz qiymətə bilet satmağa çalışacaq. Narahat olmayın ki, çox arxa oturacaq üçün bilet alırsız, konsert başlayanda öndə çox boş yerlər qalır istəsəniz gedib otura bilərsiz, buna kimsə nəzarət etmir.

   Xaricə gedəndə yemək məsələsində çətinlik çəkə bilərsiniz, bir çox yerlərdə fast foodla keçinməli olacaqsız, Polşa və Macarıstanda yeməklər su qiymətinədir çox ucuzluqdur hər baxımdan. Çalışın hər ölkəyə gedəndə oranın milli yeməklərini dadın, çünki ola bilsin birdə ora səfər etməyəsiniz, çalışın ölkəyə aid olan hər şeyi görmüş bilmiş olun xəsislik etməyin.

   İstənilən ölkədə free tour deyilən bir şey var. Ölkə sizə yad gələ bilər, hara gedəcəyinizi bilməyə bilərsiz və ya elə bina və yer ola bilər ki, ona əhəmiyyət vermədən keçə bilərsiz, bir ya da iki gün əvvəl getdiyiniz ölkədə özünüz üçün free toura qeydiyyat olun və onlar sonra sizin meil ünvanınıza turun başlanğıc nöqtəsi, saatı və hansı dildə olacağına dair məktub göndərəcəklər. 2.30 və ya 3 saat piyada gəzəcəksiniz, onlar sizə şəhəri çox həvəslə gəzdirəcək və bacardıqları qədər sizə hər yeri göstərəcəklər, sizin tur bitdikdən sonra onlardan əlavə məlumat ala bilərsiz, restoranlar, görməli olduğunuz vacib yerlər haqqında. Turun sonrası isə hörmət əlaməti olaraq 2-3 evro verə bilərsiz.

   Bacardığınız qədər çox səyahət edin, dünyanı kəşf edin, özünüzü pesimistlikdən xilas edin, güclü olun, çəkinməyin. Ölkənizə qayıdanda necə fərqli olduğunuzu hiss edəcəksiniz. Özünüzə dəyər verin!Cehiz üçün yığdığınız pullara səyahət edin, siz ailə təminatçısı deyil siz insansınız, bütün gözəllikləri haqq edən insan.