Macarıstana səyahət

Macarıstana səyahət

Avropa ölkələri arasında Macarıstan özünə məxsusluğu ilə seçilir. Ümumiyyətlə paytaxtın içindən çay axan şəhərləri çox sevirəm, şəhər fərqli urbanizasiyası ilə seçilir, fərqli gözəllik gətirir.

İlk ölkəyə giriş aeropartdan başladı, orada turist üçün məlumatlandırıcı broşurlar var,məlumat almağa dair turist infoya müraciət edə bilərsiniz.Şəhərdə tramvay və avtobusla gəzmək daha məqsədə uyğundur, ona görə də orada qaldığınız günə görə 24/48/72 saatlıq transport bileti alsanız daha uyğundur. Tək tərəfli 320 HUF=1.04 evro, 24 saatlıq isə 1650HUF= 5.30 evrodur. Əgər sizi nəzarətçi biletsiz oturduğunuzu görsə 50 evro cərimədir. İstəyir, tramvay, avtobus və metro ilə harasa gedin,çətinlik çəkməyəcəksiz çox rahat və asan sistemdir. Metro bir az qarışıq gələ bilər, bizdən fərqli olaraq bir çox Avropa ölkələrində xəttlər rənglərə görə dəyişir, narahat olmayın, içəridə information yaxud da polisdən məlumat ala bilərsiz. Şəhər əslində o qədər də böyük deyil ki, tez-tez nəqliyyatdan istifadə edəsiniz. Lövhədə hər üç nəqliyyata dair nə vaxt gələcəyinə dair məlumat var.

İlk öncə turist üçün sevindirici hal orada havanın sərin olmasıdır, şəhəri gəzəndə isti sizi narahat etməyəcək.

Orada xoşuma gəlməyən mağazaların, restoranların gec açılmasıdır. Saat 11-in yarısı idi acından ölmüş halda restoranların açılmasını gözləyirdim. Xidmət baxımından tənbəldirlər. Nazlı qəmzəli restoran işçilərinin ac vaxtımda çəkə bilməyib üz tutdum türk restoranlarına. Ümumiyyətlə yemək, alış-veriş, gəzmək baxımından şəhər olduqca ucuzdur.

Saat 14:00 hostelə giriş etməli idim, saat 11də getdim qəbul etdilər, bəzən başqa ölkələrdə yalnız deyilən vaxtda giriş etmək olur amma heç olmasa çantanı orada təhlükəsiz bir yerə qoyub gedə bilirsən. Yerləşdikdən sonra, orada işçi mənə yorulmadan, bacardığı qədər şəhərlə bağlı məlumat verdi, Budapeştə getsəniz Marco Polo Hostelini seçə bilərsiz, təmiz, mədəni, sakit həmdə şəhər mərkəzinə çox yaxın yerdədir, cəmi 500-600 metrdir, əgər sizin üçün uzaqdırsa elə 20 metrədə dayanacaq var nəqliyyatdan istifadə edə bilərsiz. Orada Araz deyə bir restoranda onunla elə üzbəüzdür, bilmədim əslində nə və kimə aid restoran idi.

Bütün ölkələrə getdiyimdə bir adətim var, elə birinci gündən free toura qeydiyyat oluram, bu tur çox maraqlıdır, gid sizə şəhərin ən maraqlı, görməli yerlərini göstərəcək, əsasən piyada turdur, 3saata yaxın davam edir, hətta macar dilində bir iki söz də öyrənə bilirsən, məsəlçün salam macar dilində si yu (ingiliscə hələlik), sağol isə halo (ingiliscə salam). Macar dili çox çətin dilmiş, bu dildə profisional dilçi olmaq istəyirsənsə 10 il lazımış, orta səviyyədə bilmək üçün isə 4 il.

Tur zamanı gid bizi müəyyən saatlarda şəhərdə hər hansısa dövlət binasının qarşısında seromoniya baş tutan yerlərə apardı. Şəhərin, tarixi, mədəniyyəti, əhalisi, təhsili ilə bağlı geniş məlumat verdi. Mən tura qoşulmasaydım yəqin orada Marqaret adasına səfər etməyəcəkdim, bu tövsiyyəni giddən aldım, eyni zamanda əsl Macar restoranları, hansı muzeye getməyə dəyər ona dair də tövsiyyələr verdi.Tur bitdikdən sonra artıq öz programımla davam etdim. Düzü tur zamanı əsas yerlərin əksəriyyətini görmüş oldum. Gidə hörmət əlaməti olaraq pul verməyi də unutmayin.

İstənilən şəhərə gedəndə, şəhərlə yaxşı tanış olmaq üçün iki saat müyyən nömrəli tramvaylarla şəhərin uzaq, yaxın yerlərinə gedirəm, bununla həmdə vaxtıma qənaet etmiş oluram, onsuzda 24 saatlıq bileti gün ərzində saysiz istifadə edə bilərəm. Şəhər mərkəzini, mərkəzdən uzaq yerləri görəcəksiniz, sizin üçün maraqlı olacaq şəhər mərkəzindən uzaq yerləri də görmək. Bəzən olur ki, çox təəcübləndirici gəlir, gedib sankı illərdir bura heç insan nəfəsi dəyməyən yerə çıxa bilərsiz və ya xarabalığa. Elə hesab etməyin ki, xarici ölkələrdə hər küçə, kənd, qəsəbə çox gözəl və müasirdir

Budapeştə gedəndə Parlament Binasına baş çəkmək lazımdır. Bina yazı ilə ifadə edə bilməyəcəyim gözəl arxitekturaya malikdir. Giriş 19 evrodur, bu qiymət Avropa vətəndaşı, qeyri Avropa vətəndaşı üçün dəyişir, eyni zamanda tələbələr üçün də endirim var, 24 yaşa qədər olan tələbələr 10 evroya bilet ala bilər. 45 dəqiqəlik 3-4 dildə turlar var. Binanın içi bir incəsənət nümunəsidir, əl işləri, qızıl suyuna çəkilmış dirəklər və.s binaya bənzərsiz gözəllik verir.

Parlament binasına yaxın başqa muzeylər var, istəyə bağlıdır gedə bilərsiz, qiymətlər baha deyil. Bu hissə elə şəhərin mərkəzi hesab olunur. Bina ilə üzbəüz Hollivud ulduzlarının tez-tez gəlib qaldığı otel var, qiymət isə gidin dediyinə görə 3000 evrodan başlayır. Kənardan çox adi bina kimi görünürdü. Elizabet körpüsünə ordan 5 dəqiqəlik yoldur, bu körpü Buda və Peştin mərkəzi hissəsini birləşdirir. Buda əsasən şəhərin bahalı hissədir, dövlət məmurlarının, sənət adamların yaşadığı yerdir, o hissədə bahalı villalar və restoranlar var. Peşt tərəfi isə qismən kasıb hesab edilən hissədir, amma burada mərkəzdən bir az uzaq səhv etmirəmsə Bob küçəsində yerləşən istirahət mərkəzi, kafe restoranlar var, mənə bizim Marjanaşvili küçəsinin yeni hissəsini xatırlatdı. Bəlkə Budapeştdə səfər edənlərin çoxu o yeri bilmir əsasən mərkəzə üz tuturlar, məndə təsadüfən o yerə gedib çıxmışdım.

Alış veriş etmək istəyirsinizsə şəhərdən bir az uzaq  WestEnd city centre, Arena  plaza var, gedib alış veriş edə bilərsiz. Sizə daha aydın olmaq üçün Mac Donaldsın əsas binasının həmən sağ tərəfində yerləşir, 9 nömrəli avtobus şəhər mərkəzindən ora gedir.

Şəhərdə gəmi ilə də gəzə bilərsiz, xidmətə görə 10 evrodan başlayır.Şəhərin hər iki tərəfinin mənzərəsini yaxından görə bilərsiz.

Bu şəhərə gedəndə Margaret adasına mütləq baş çəkin. Gözəliyinə heyran olacağınız böyük parkdır. Giriş hissəsində düşünən fantan var, izlədikcə insanın əhvalı qalxır, beyni sakitləşir, çalışın o hissəni piyada gəzin, böyük bir ərazidir, yaşayış məskəni deyil. Orada spa salonda var ora da gedə bilərsiz. Parkın çıxış hissəsinə yaxın Yapon bağı var, çox gözəl hissədə yerləşir, bir sözlə o adanı mütləq gəzin, orada olduğum ərəfədə 3 dəfə getmişdim. Şəhər mərkəzindən 9 nömrəli avtobus, sonra düşüb 24 nömrəyə minirsiz, beləki Parlament binasının yanından piyada 10 dəqiqəlik yoldur.

Şəhərin Peşt hissəsində Baselik deyilən kilsə var. İçəri daxil olmaq 1 evrodur, girməyə dəyər yerdir, binanın içi olduqca gözəldir, əgər siz oradan şəhərin Panaramasını izləmək istəyirsinizsə əlavə bir-iki evro da verib yuxarı çıxa bilərsiniz. Bu kilsə ölkədəki ən böyük və gözəl kilsə hesab olunur.

Şəhərdə 6 fərqli görünüşə sahib, fərqli mənzərə izləyəcəyiniz körpü var.

Bir düşünən fantan isə Buda tərəfdədir, yaxınlaşdıqca dayanır, sadəcə əyləncəlidir, orada 10-15 dəqiqə durub uşaqların əyləncəsini izləyə bilərsiz, sizdə dincələcəksiz.

Şəhərin digər Buda hissəsində Fisherman deyilən gözəl hissə var, oradan Peşt hissəsinin hər nöqtəsini görə bilərsiz. Daha yaxşı olar ki, ora həm gecə həmdə gündüz səfər edin. Elizabet körpüsündən digər tərəfə keçib, yuxarı parka qalxan yolla qalxıb ordan Baş Nazirin binasının qarşısına keçib ordan da Fishermana gedə bilərsiniz, belə daha çox yer görmüş olarsınız.

Şəhərin müəyyən hissələrində içməli su üçün yerlər var, artıq pul xərcləməyə gərk yoxdur elə oradan içə və qutunuza doldura bilərsiniz, turistlər də elə bu cür edirdi.

Keçək vacib yemək hissəsinə, mənə qaldığım hosteldən endirim kart verdilər. Blue Rose əsl Macar restoranına getdim. Bu restoranın ünvan və reytinqini elə turist xəritəsindən götürə bilərsiz, tövsiyyə olunan yerdir. Deməli bizim pulla 20-25 lariyə iki macar mətbəxinin dadına baxa bilərsən. Bu baxımdan şəhər çox ucuzluqdur. Endirim kartı ilə cəmi 4 evro ödədim.

Şəhərin gecə mənzərəsi olduqca gözəldir. Amma bir şeyi nəzərə alın ki, saat 1dən sonra şəhərin çox yerində binalara qurlaşdırılan işıqları söndürürlər və şəhər gözəlliyini itirir.

Bir sözlə, o ölkəyə mütləq səyahət edin, fərqli xalqlarla, mədəniyyətlə tanış olun, özünüzü yenidən fərqli tərəfdən kəşf edin.