Beynəlxalq Hüquq Müdafiəçiləri Günü

 

Beynəlxalq Hüquq Müdafiəçiləri Günü

Bu gün münasibətilə bütün hüquq müdafiəçilərini təbrik edirəm.

Son illərdə ölkəmizdə bu mövzuda geniş müzakirələr aparılır. İnsanların əksəriyyəti onların universal hüquqlarının olduğunu dərk edir və onlar bərabər hüquqlu cəmiyyətdə yaşamaq istəyirlər. Hər gün ölkəmizdə minlərlə insanın hüququ pozulur. Bir çoxumuz hələ də öz hüququmuzu dərk etmədən yaşayırıq və bunu həyatın qaydası kimi qəbul edirik. Bir çoxlarımız isə insan hüquqlarını pozmağı qoçaqlıq bilirik və şəxsi komfortumuz üçün ətrafımızda olan insanların haqqını əlindən alırıq.

2014-cü ildən bu günə kimi 160-dan çox qadın öldürülüb, onların əksəriyyəti vəhşi ər qurbanı olub. Sağlam ailədə yaşaya bilməyən minlərlə uşaq hüquqları pozulur. Hələdə sadəcə tibbi model tətbiq edilən əlil şəxslərin cəmiyyətdə bərabərlik hüquqları pozulur, biz onları yalnız cəmiyyətin xəstə üzvi kimi qəbul edirik. Etnik azlıqlar bu gün öz hüquqlarını tələb etmək üçün çalışırlar amma illərdir bu sahədə o qədər problemlər yığılıb qalıb ki, hələ də kimlikdə ilişib qalmışıq. Dini azlıqlar, dominant dinin təqibindən özlərini güclə qoruya bilirlər. Cinsi azlıqlar, cəmiyyətin əksəriyyətinin zövqünə uyğun gəlmədiyinə görə alçaldırırlar.

Sonda gələk hüquq müdafiçələrinə, onların da hüquqları hər gün vuruşduqları tərəf və haqqlarını qoruduqları cəmiyyət tərəfindən hər gün pozulur.

İlk illərdə cəmiyyət üçün qadın hüquq müdafiçəsi qəbul edilməz idi və onlar bir qadını hansı formada alçaltmaq və onu necə yox etmək üçün etmədikləri qalmamışdı, dəfələrlə təhqir edici, alçaldıcı, təhdid dolu mesajlar alırdım və baxmayaraq bununla bağlı polisə müraciət etdim amma o qədər də faydalı olmadı, çünki elə onlardan biri də elə polisin özü idi. Sonra eyni təhdid və seksual tipli mesaj kənd molasından gəldi və beləliklə ərazi olaraq bu böyüməyə başladı. 2010-cu illdən sonra isə sosial şəbəkə üzərindən fake profillərin qurbanı oldum amma onlar istədiklərinə nail ola bilmədilər. Daha sonra cəmiyyətimizin normal insanları da siravi insanlara qoşuldu və daha qorxuducu tədbirlər görməyə başladılar və.s. 4-5 il bundan əvvələ kimi, evimizin yanında silah belə atdılar amma heç bir hərəkətə bu yola mane olmadı, çünki bu çey içdən gələn bir hissdir və onu heç bir suni hərəkət dayandıra bilməz. Mübarizə bir həzz və zövqdür və bundan imtina etmək fikrim yoxdur!